Marrazketa, Pintura, Instalazioak. Bilbao (Bizkaia), New York

Abigail Lazkoz Bilbon jaio zen 1972an, eta Euskal Herriko Unibertsitatean trebatu zen artista
gisa. Bertan jardun zuen irakasle 1998tik 2001era.
2002tik hona, New Yorken bizi da, eta bertan lan egiten du.
Bere marrazkiak eta ilustrazioak komikitik eta graffitietatik hurbil daude, eta, normalean,
tamaina handiko muralak egiten ditu. Gizakien errealitatearen eta errealitate sozialaren
gaineko gogoetak dira, eta estetika aldetik, batzuetan, itzaltsuak

1995
Arte Ederretan lizentziatu zen, pinturaren berezitasunean, Euskal Herriko Unibertsitatean.
Erresuma Batuko Winchester School of Artsera joan zen Erasmus bekarekin.
1996
Jaengo Valdepeñasko Sormen Artistikoaren V. Nazioarteko Topaketetara joan zen.
1997
Ángel Badosek eta Txomin Badiolak Artelekun emandako tailerrean parte hartu zuen.
1998
Euskal Herriko Unibertsitateko Pintura Saileko Doktorego kurtsoa amaitu zuen.
1999
Bilbao Arte Fundazioak (Bilbao) erresidentzia beka eman zion.
Mojácarreko X. Arte Ikastaroetarako beka (Almería).
2000
Bilboko Bilbao Arte Fundazioak antolatuta, Markus Lüpertzen eta Roscubas anaien "Erretxin
sintetikoak eta poliesterra” ikastaroetan parte hartu zuen.
Madrileko INJUVE-Instituto de la Juventud erakundeak antolatutako XVI. Arte Joven´00
erakusketan aukeratu zuten.
2001
Hizlari gisa parte hartu zuen Superkongresua proiektuan. Sortzaile artistikoen topaketa
hau Donostiako Arte Ekinbideak (DAE) elkarteak antolatu zuen, eta Donostiako Egiako Kultur
Etxean egin zen urtarrilaren 25etik 27ra bitartean.
Euskadiko Bide, Ubide eta Portuetako Ingeniarien Elkargoak antolatutako arte plastikoen 2.
lehiaketan ohorezko aipamena egin zioten.
Bilboko Udalaren Guztientzako Tailerrak programako irakaslea izan zen.
Bizkaiko Foru Aldundiko Kultura Sailaren Sorkuntza Artistikorako beka.
2002
Santanderko Marcelo Botín Fundazioaren arte plastikoetarako beka.
Bizkaiko Foru Aldundiak antolatutako Ertibil Bizkaia´02 arte erakusketa ibiltarirako
aukeratuetako bat izan zen.
2003
Terueleko Foru Aldundiak eta Grupo Endesa enpresak antolatutako arte plastikoetarako Endesa
Beka jaso zuen.
2005
Ertibil´05eko lehen saria irabazi zuen; Bizkaiko Foru Aldundiak antolatutako arte plastikoen
erakusketa ibiltaria.
2006
Eusko Jaurlaritzak antolatutako Gure Artea´06 saria.

Abigail Lazkoz [Kontsulta: 2016ko azaroak 7].