SALABERRI ZUNZARREN, Pedro
(Pamplona/Iruña, Nafarroa , 1947 )
Pintura. Pamplona/Iruña (Nafarroa)

Pedro Salaberri 1947an jaio zen Iruñean, eta bertako Arte eta Lanbide Eskolan hasi zen
ikasten. 70eko hamarkadan, besteak beste, Juan José Aquerreta, Pedro Oses eta Mariano Royo
ezagutu zituen bertan, eta Iruñeko Eskola sortu zuen eurekin.
Bere ibilbide artistikoan, pop amerikarraren zenbait eragin zituen errealismo soziala landu zuen
hasiera batean. Geroago, ordea, bere lan guztia eraldatu egin zen, eta intimistagoa nahiz
metafisikoagoa izan zen. Gaur egun, Pedro Salaberriren pinturan, landa zein hiri guneko
paisaiak azaltzen dira, eta, elkarren segidako planoen bitartez, oso ondo zehaztutako profilak
eta kolore lausoko giroak sortzen ditu, “naturaren betiereko isuriaren” bila.