BADIOLA MAZARIEGOS, Txomin
(Bilbao, Bizkaia , 1957 )
Eskultura, Instalazioak. Londres, New York, Bilbao

Arte Ederretan lizentziaduna. Espezialitatea: pintura. Euskal Herriko Unibertsitatea.
Hasiera batean pinturan aritu bazen ere, 80ko hamarkadaren hastapenetan eskulturara pasa
zen, eta erreferente modura Jorge Oteiza eskultorearen gogoeta teorikoak eta abangoardia
konstruktibistaren proposamen artistikoak hartu zituen.
Ángel Badosekin, Juan Luis Morazarekin, Marisa Fernándezekin eta Pello Irazurekin batera
Euskal Eskultura Berria deitutakoaren ordezkarietako bat izan zen 80ko hamarkadaren
hasieran.

1979
Bilboko IV. Pintura Bienalerako hautatua.
1982
Arte Plastikoen Beka. Espainiako Kultura Ministerioa, Madril.
Bigarren saria, eskultura modalitatean, Eusko Jaurlaritzak antolatutako Gure Artea'82 izeneko
lehiaketan.
1983
Arte Plastikoen Beka. Bizkaiko Foru Aldundia.
Eskultura irakasle Euskal Herriko Unibertsitateko Donostiako Campuseko Udako Ikastaroetan.
Hirugarren saria eskulturan, Gure Artea'83 izeneko lehiaketan.
EAE, Euskal Artisten Elkartearen fundatzaile, José Ramón Morquillasekin, Fernando eta Vicente
Roscubasekin, José Chaveterekin, Txupi Sanzekin eta Iñaki de la Fuenterekin batera.
1984
Akzesita Gure Artea'84 izeneko lehiaketan.
1985
Bigarren saria Bilbao Hiribildua Arte Plastikoen Nazioarteko Lehenengo Lehiaketan.
Eusko Jaurlaritzaren laguntza, brontze galdaketako lanak egiteko.
1986
Lehenengo saria Gure Artea'86 izeneko lehiaketan.
1987
Icaro Saria Espainiako artista gazte onenari, Diario 16 aldizkariak antolatua. Madril.
Oteiza : propósito experimental erakusketa antologikoko ordezkaria, Madrilgo eta
Bartzelonako Pentsio Kutxa Fundazioaren aretoan, eta Bilboko Arte Eder Museoan.
Erakusketa hori antolatzeko, Oteizak eginiko obraren katalogoa osatu zuen eta bere ibilbide
artistikoari buruzko entsegu bat egin zuen.
1988-1989
Londresera joan zen Delfina Studiosen lan egiteko. Bertan, instalazio bat egokitu zuen
Riverside
Studios delakoarentzat.
1990
Kultura eta Hezkuntza Lankidetza bultzatzeko Lantalde Bateratu Hispano Iparamerikarraren
beka jaso zuen, eta New Yorkera joan zen International Art Centre delakoan lan egitera.
Saritua Naganoko VI. Henry Moore Grand Prize Sarian (Japonia).
Eskultura lanaz gain, artikuluak eta saiakerak argitaratu zituen.
1991 - 1998
1991n, 1995ean eta 1998an, eskultura tailerrak eman zituen, Ángel Badosekin batera,
Donostiako Artelekun.
1998an Bilbora joan zen bizitzen. Gaur egun, bertan bizi da.
2003
Hitzaldi bat eman zuen Miradas sobre el arte español de los últimos cinco años izeneko
zikloaren baitan, Madrilgo Centro de Arte Reina Sofía Museo Nazionalean-MNCARS.
Istanbuleko VIII. Bienalean parte hartu zuen Eusko Jaurlaritzak finantzatutako When the
shit hits the fan (Kaka haizagailuraino iristen denean) izeneko instalazioarekin.
Malas formas, una historia que se cuenta con historias de otros izenburuko
bideoaren muntaia egin zuen, 2002an Bartzelonako MACBA-Museu d'Art Contemporanin eta
2003an Bilboko Arte Eder Museoan aurkeztutako atzera begirakoari buruzkoa.
Desacuerdos : sobre arte, políticas y esfera pública en el estado español izenburuko
gogoeta jardunaldietan parte hartu zuen Líneas de fuerza : audiovisualización del arte
contemporáneo izeneko gogoetarekin. Arteleku, urriak 22-23-24.
2010
Jon Mikel Eubarekin eta Sergio Pregoarekin batera PRIMER PROFORMA 2010
izenburuko proiektuan parte hartzen du, Leoneko MUSAC-en, urtarrilaren 30tik - ekainaren 6ra
arte.
2013
Hitzaldi bat ematen du Beyond Guernica and the Guggenheim : relations between Art and
Politics from a Comparative Perspective  izeneko biltzarraren baitan, Renoko Center for
Basque Studies, University of Nevada.

Gaur egun, Jorge Oteizaren obraren katalogazio arrazoitua egiten ari da, Jorge Oteiza
Museoaren ikerketa proiektuen baitan.